Ўз соҳасинининг малакали, бой тажрибага эга бўлган етук мутахассиси, Давлат геология музейи директори Ахмедшаев Аҳмаджон Шаяқубович 2022 йил 7 декабрда 70 ёшга тўлди.
А.Ш.Ахмедшаев 1970-1975 йилларда Тошкент политехника институтининг геология қидирув факультетини муваффақиятли тамомлаб Ўзбекистон Геология вазирлигининг “ОМЭ САИГИМИС” институтининг тажриба-методик экспедициясида геолог вазифасида меҳнат қилишдан бошлади. 1982 йилдан 1984 йилгача Мозамбик Республикасида геолог бўлиб ишлади. 1984 йилдан бошлаб 6 йил давомида Ўзбекистон геология вазирлиги қошидаги тажриба-методик экспедициясида (ОМЭ) геолог, отряд бошлиғи, катта геолог ва партия бошлиғи сифатида фаолият олиб борди. 1990-1998 йилларда “Ўзбекгеология” Бош мувофиқлаштириш геология бошқармасининг “Илмий ишлаб чиқариш ва ўвуқ маркази”да тематик партия бошлиғи, директор ўринбосари лавозимларида ишлади. 1998 йилдан 2008 йилгача Ўзбекистон Республикаси Давлат геология ва минерал ресурслар қўмитасининг Геология музейи директори лавозимида фаолият олиб борди. 2008-2010 йилларда “Давлат геология ахборот маркази” Давлат корхонасида Минерал хом-ашё базасини баҳолаш бўлимида етакчи геолог ва шу бўлим бошлиғи вазифаларини бажарди. 2008-2010 йилларда “Ўзбекистон чегараларини делимитация ва демаркация қилиш” бўйича Давлат коммисия аъзоси бўлди. 2010 йилдан ҳозирги вақтга қадар Ўзбекистон Республикаси Давлат геология ва минерал ресурслар қўмитасининг “Давлат Геология музейи” ДМ директори лавозимида самарали меҳнат қилиб келмоқда.
А.Ш. Ахмедшаев шу кунга қадар Ўзбекистон миллий университети, Тошкент давлат техника университети талабалари, Олмазор Политехника касб-ҳунар коллежи ўқувчиларига геология, минералогия, петрография, фойдали қазилмалар, палеонтология фанлари бўйича ўқув дарслари ўтказиб, уларнинг назарий билимларини амалиётда мустаҳкамлашда яқиндан ёрдам кўрсатиб келмоқда.
2010 йилдан бери А.Ш. Ахмедшаев Ўзбекистон Республикаси Ҳалқ таълими вазирлиги, Давлат геология ва минерал ресурслар Қўмитаси ҳамда Геология музейи ходимлари билан биргаликда мактаб ўқувчилари ўртасида бўлиб ўтадиган “Ёш геолог” олимпиадасининг маъсул ташкилотчиларидан ҳисобланади. Олиб бораётган шу каби ишлари билан мактаб ўқувчиларини геология соҳасига бўлган қизиқишларини оширишга, уларни геология соҳасига жалб қилишга муносиб ҳисса қўшиб келмоқда.
Шу билан бирга, А.Ш.Ахмедшаев халқаро миқиёсда, яъни МДҲ давлатларининг мактаб ўқувчилари орасида бўлиб ўтадиган “Ёш геологлар очиқ дала олимпиада”сида Ўзбекистон “Ёш геолог” терма жамоаси билан қатнашиб, нуфузли ўринлар ва совринларни эгалаб келмоқда. Жумладан, 2013 йилда Қозон шаҳрида, 2014 йилда Олма-Ота шаҳрида, 2015 йилда Тюмень шаҳрида, 2017 йилда Кемерова шаҳрида, 2018 йил Остона шаҳрида, 2019 йил Новосибирск шаҳрида, 2021 йил Екатерингбург шаҳрида бўлиб ўтган Мустақил давлатлар ҳамдўстлиги давлатлари иштирокчилари ўртасида бўлиб ўтган олимпиадаларда мактаб ўқувчиларининг самарали иштирокини таъминлашга ўзининг салмоқли ҳиссасини қўшди.
А.Ш Ахмедшаевнинг илмий мақолалари республикамизнинг турли газета ва журналларида, шунингдек, ҳалқаро илмий – маънавий журналларда чоп этилмоқда. Жумладан:
Ўзбекистон Республикаси Фанлар академияси Тарих музейининг “Моддий – маънавий мерос ва умумбашарий кадриятлар” журналида 2016 йилда “Ўзбекистонда хартумли ҳайвон топилгани ҳақида” мақоласи;
“Геология ва минерал ресурслар” журналининг 2016 йилдаги юбилей сонида “Геология музейи – унинг Республика ёшларини тарбиялашдаги ўрни” мақоласи;
Радио-аналитика ва ядровий кимё журналида 2016 йилда “Нейтрон фаоллашуви ва жанубий мамонтлар ва динозаврларнинг янги кашф этилган суякларини кузатиш” мақоласи; (Венгрия, Будапешт Кядо Академияси (Springer) томонидан нашр этилган)
“Фундаментал ва амалий палеонтология” (LXIV сессияси материаллари) тўпламида “Ўзбекистоннинг олиготсен даври ётқизиқларининг минтақавий стратиграфик схемасини такомиллаштириш ва ўзаро боғлиқлиги тафсилотлари” ва “Ўзбекистон ҳудудидаги Қадимги филлар (Аrchidiskodon)” бўйича тезислари (Санкт-Петербург, 2018й.);
Буюк Британиянинг Royal Society Open Science нашриёти томонидан 2021 йилда “A new carcharodontosaurian theropod dinosaur occupies apex predator niche in the early Late Cretaceous of Uzbekistan” – “Янги кархародонтозаврнинг – терроподлар оиласига кирувчи динозавр
Ўзбекистоннинг бўр даврида йиртқичларнинг юқори чўққисини эгаллаган”лиги тўғрисидаги мақоласи;
Алишер Навоий номидаги Ўзбекистон миллий кутубхонасининг ахборот – кутубхона журнали “INFOLIB” №2, 2021 й “Музей таблицы Менделеева” мақоласи;
Словакия Республикасининг “Quark Magazine” журналида 2022 йилда “Қадимги буюк ипак йўли” мавзусида мақоласи;
Палеонтология ва стратиграфия: Ҳозирги ҳолати ва ривожланиш йўллари (LXVIII сессияси материаллари) тўпламида (Санкт-Петербург 2022й.) “Пандемия шароитида музей фаолиятига янги ёндашувлар, Бир коллекция тарихи” тўғрисида мақола чоп этилди.
А.Ахмедшаев Ўзбекистон Республикаси Маданият ва спорт ишлари вазирлиги томонидан 2016 йилда ўтказилган “Йилнинг энг яхши жонкуяри” номинацияси бўйича Ўзбекистон музейлар кенгаши диплом билан тақдирланган.
2019 йилда Россия Геология жамияти томонидан Геология соҳасидаги хизматлари учун А.Е.Ферсман медали билан тақдирланди.
2020 йилда Ўзбекистон Республикаси мустақиллигининг йигирма тўққиз йиллиги муносабати билан Дўстлик ордени билан мукофотланган.